艺人谭俊彦与汤洛雯(靓汤)昨日现身剧集《失忆24小时》的宣传活动,谭俊彦在活动中写上Get Married,似是向靓汤催婚,他否认:“冇得催,佢哋咁大个人,顺其自然。可能佢哋已经签咗字呢!”靓汤没好气说:“你哋去查吓就真相大白。”靓汤指忘记今日是元宵,工作后会回家陪家人,冇预男友马国明,讲到男友将北上个多月拍剧,靓汤笑谓也不清楚对方甚么时候出发及回来,但幸好可以视像见,谭俊彦自言以前离家工作,连睡觉也会开视像,可以听到太太及小朋友的声音令他安心。
另外,谭俊彦表示有让女儿看自己的新剧,但对方看得太投入而喊:“佢睇第一集就喊,话点解爸爸要离开妈咪,睇到我畀人打又喊,佢话唔要睇。(你细个有冇睇阿爸演嘅戏?)有,我睇到佢攞刀杀人,我话快啲报警,我老窦杀咗人。”他称之后的剧情不能让小朋友观看,因跟靓汤有亲密戏,他会抱起靓汤:“我睇都有啲惊,因为我冇着上身衫,我当时未减肥,个人肥嘟嘟咁。我依家睇到剧中嘅自己都忍唔住即刻去跑步。”靓汤指拍毕该场口也不敢看回放,因太怕丑。
靓汤谓小时候也有看爸爸汤镇宗演的剧集,讲到日前她将自己儿时与爸爸的合照放上网,她大赞爸爸靓仔:“有网民话佢系小鲜肉,我条眉系同佢一模一样,细个畀人笑,话系紫菜眉,搞到我喊,后来潮流兴粗眉,大个先觉得粗眉有用。(点解无端端出卖爸爸张相?)系爸爸send张相畀我,佢话几靓,应该系赞我。”​
|