【梦想成真】陈展鹏相隔21年重出乐坛做一哥

etin

视帝陈展鹏出席加盟天盟娱乐暨新歌发布会，获何丽全、乐易玲、同门艺人等到场支持，除了播新歌《零岁》MV外，又即场献唱。谈到相隔21年重出乐坛，他谓好多人都有歌手梦，现时终可梦想成真，但问到可觉迟了很多？他说：“唔系，廿年前公司畀机会我，但嗰时太幼嫩，个脑空白，但依家好咗好多，又多咗人生经历，今次有意义好多。”他又指去年开始倾加入天盟，而再次唱歌的想法就是源自3、4年前乐易玲叫他唱番歌：“公司叫我唱番时都有啲挣扎，因为做演员唱歌走音都算，但做歌手就唔可以走音，但今年系好timing。”

谈到为何不签番星梦？他表示都是机缘巧合，是乐易玲安排。问到可是天价加盟天盟做一哥？他笑言：“媒体叫我一哥都系因为我年资高啫，师姐细我好多，但都好尊重我，我系师弟啫。至于系咪天价，依家嘅环境，难得预埋我已经好感恩。”他更“倒米”笑言：“如果我系老板，都未必会签自己，将啲钱做更有意义嘅事好过，所以老板好勇敢，因为我睇番自己有好多不足。”

他又谓会送歌给太太单文柔及囡囡，而此曲就是先送给囡囡，问到太太可会呷醋？他谓：“唔会，佢好支持我，囡囡出世令我哋唔同晒。”他透露今年会较倾向音乐事业，之前都是唱主题曲，现时可以构思音乐表达自己。问到今年可会出碟及开骚？未出过碟的他说：“有谂过，但依家出碟就太早，啱啱接触番音乐。”而讲到现时有很多唱歌比赛节目，他指公司几年前都有搞：“但自己未ready，有时忙拍剧声又会沙，但如果有机会可以参与，同埋音乐无分年纪同疆界，唔理咩台都好，最紧要可以百花齐放。”​