成日被恰！孙慧雪大报复令老公起唔番身

etin

女神孙慧雪同老公Edwin结婚就快5年，愈来愈恩爱，加上仲有个仔，一家三口好幸福！但幸福背后，雪雪就大爆老公成日恰佢，就谂计起革命，一于整蛊番老公！雪雪喺社交网上载一条同老公玩嘅片，Edwin要跟住雪雪做平衡动作，起初啲动作人人都做到，Edwin梗系冇问题，但当雪雪做出膝头跪下，然后双手摆后面嘅动作，Edwin未做到就成个趴喺度，即时笑到雪雪肚挛，就连蔡嘉欣都留言话睇10次笑10次呀！

杨明、庄思明呢对情侣同埋区永权夫妇都接受呢个挑战，唔使讲男士们都系失败收场，非常搞笑！另外，佢同张美妮携手主持平台节目《靓妈围炉》，分享当人妻人母后嘅苦与乐，由修身扮靓、养生补身、生仔秘方、凑仔苦与乐、选校资讯、面试心得以至婆媳关系，都于节目中一一跟大家畅所欲言。育有1岁半女儿嘅张美妮表示自从怀孕后渴望于网上平台找育儿资讯，节目就似明灯一样，令自己获益良多，希望可以与妈妈观众一起开心share ，互相帮助下凑仔更得心应手。

社交平台拥有近50万粉丝的雪雪，由宅男女神摇身变贤妻良母，事业凑B两兼顾，笑言：“我好锺意讲嘢，又唔好意思唔凑仔，拍呢个节目啱晒，可以同老公讲我去拍节目你凑仔！”据知，张美妮于节目中会大爆喂人奶经历，自己如何发生喷射式人奶喷上天花板瘀事，佢哋又会向观众分享，有钱请陪月都要点小心，更因为讲得太开心，连求子期老公瘀事、各种闺房招式，如何迫老公进补等等，两女笑说：“希望我老公同奶奶都唔好睇，哈哈！”