无綫艺人龚嘉欣之前于台庆颁奖礼中夺得“马来西亚”视后及“最受欢迎电视女角色”两大奖项,牛年继续是她大丰收的一年,现时嘉欣手头上的工作档期已排到年尾,亦已接了4套剧集,现年31岁的她,有生意、有楼、有事业,可谓相当圆满,说到爱情方面,她表示仍等待中,说到身边好姊妹陈凯琳、谭凯琪都已为人妻人母时,她即谓:“我反而系最幸运嘅一个,可以吸收晒佢哋做人好妈妈、好老婆嘅心得。”
唔排除闪婚 工作档期已排至年尾,嘉欣笑言感觉很不真实,但又觉得今年会是相当刺激的一年,说到牛年展望,她坦言自己还未攞香港区视后,问是否有点失望时?她说:“绝对冇!我都冇谂过会攞两个奖,呢个结果已经好好,有呢个成绩,我已经好开心,我个人好知足,唔系样样都会畀你得到㗎嘛!(仲想拥有啲乜?)咁又冇,细到大我都唔会追求好多嘢,我好享受依家自己各方面,唯一要讲系未有一个家庭,但仲有时间,我都只系31岁,依家成绩咁好,自己想好好把握。(今年又唔拍拖?)我唔敢讲实呀!(你会唔会系闪婚嗰一种?)我唔敢谂呀!好多结咗婚嘅人同我讲结婚都系嗰一下冲动,未到嗰阵我唔知呀!”
今年已接4套剧 每次说到搵男友,她都表示娱乐圈找另一半很困难,但“少妇联盟”的好姊妹全部都遇到好归宿及已有自己的孩子,她谓:“系啦!点解嘅?(你要求高?)唔系,可能我冇时间,不过今年会仲忙,依家已经接咗4套剧,忙到年尾,所以爱情都唔敢谂,只能够等待,要搵到一个能体谅我工作嘅人都唔容易!(“少妇联盟”逐你出会!)我地位不知几稳固,每次见面佢哋都会争住畀个BB我抱。(会否羡慕?)唔系羡慕,系戥佢哋开心,依家我会向佢哋预早学定点样做一个好老婆、好妈妈,真系唔系一件容易嘅事,太耐自己一个人,好多嘢会忽略咗,所以我反而系最幸运嘅一个,可以吸收晒佢哋嘅经验。”
说到今年疫情之下夺视后,会否失去了很多搵银的机会时,嘉欣说:“虽然疫情下少咗好多公开活动,但依家网上都有好多工作,自己都接咗啲网上广告,仲有啲倾紧,希望做好啲,睇吓可以再吸纳多啲其他客户。” 小时候每逢农历新年,嘉欣都会与家人返乡下厦门,更会与哥哥放烟火,到大年初一,一家人总会齐齐整整吃个团年饭,而嫲嫲就会一手包办所有餸菜。现时独居的她,被问到她会否依传统为自己家居布置及买年花?她笑言:“好多花店已经送咗好多兰花畀我,搞到我屋企变成小花园咁,每朝早见到好开心。(会否买桃花催旺人缘、姻缘?)我冇买好多年嘞!以前买咗又要时间打理,今年我仲谂紧买唔买。(唔需要桃花咩?)好需要,因为人缘嘛!(爱情呢?)等待吓先!”
|