|
艺人汤怡双喜临门,有喜兼今个月下嫁排舞师麦秋成,打得火热嘅2人近乎日日放闪,前日系佢哋第1个一齐过嘅情人节,正当大家都以为麦秋成会好识做,点知…被指大住肚都冇长肉嘅汤怡,喺社交网晒出跌膊甜笑照,幸福样表露无遗,枱上更见到有大大块靓牛扒,佢更娓娓道来,大爆麦秋成前一晚就问准未来老婆想出街,咁汤怡就即刻知道佢原来唔记得要过情人节,仲反问佢夜晚想食乜,麦秋成就直肠直肚order要蒸水蛋,不过好在到Last minute佢终于醒起,情人节继续孖住过!难得咁都冇嬲嘅汤怡出口帮佢护航,话佢呢排实在太忙又唔够瞓,佢自己仲煎咗块素牛扒慰劳未婚夫添:“呢排实在太忙太多嘢做又唔够瞓 唔紧要😌今晚呢位仁兄 煎咗块靓牛扒畀我补番数 而我亦煎畀块素牛扒慰劳你 辛苦你了❤️开心就系咁简单”​
|
|