陈炜情人节摄太岁当庆祝 忙到似只牛够应节

etin

牛女陈炜（炜哥）与同年的男友陈国强（Aldous）喺情人节齐齐去摄太岁，有别一般情人节庆祝活动，果然够新鲜！炜哥笑言：“其实情人节我未有咩谂法，大家都好随意，不过，我哋都系属牛，今年犯太岁，所以一齐去拜太岁，祈求牛年平安，比较实际！”

炜哥向来在农历新年都准备不少贺年餸菜，务求令到身边朋友吃得大快朵颐。不过，最近忙为无綫新剧《黯夜守护者》开工，生肖属牛的她天生勤力，所以新年前日日由朝开工到晚，冇时间办年货，但从来冇投诉，更笑言自己“似只牛”很应节：“日日忙开工，好彩除夕嗰日傍晚就收工，可以赶去街市买餸，同人迫吓都几开心，好热闹，（买咩餸？）想煲汤，但怕搞到好夜，往年都会浸定啲鲍鱼，但都冇时间煮，好彩鱼档相熟老板留咗条靓鱼畀我责年！”

问到愿望，牛女炜哥祝愿大众“很牛”，她称：“呢句话，内地系赞人好劲、好强嘅意思，所以我都要借用一吓，赞香港人牛年个个都咁劲！”其实，热爱工作的炜哥，除夕为《黯》剧拍了一场出浴戏才收工，相当有气氛，她说：“呢场冲凉戏就冇乜性感嘅，但就好有气氛，因为营造个烟雾弥漫环境，所以要用好多蒸气，我第一次见啲工作人员用熨斗嚟喷蒸气出嚟，真系好似喺浴室环境，真系辛苦佢哋！”​