做好老婆喂饱老公！朱慧敏被“催生”等时机到

etin

艺人朱慧敏（Queenie）上月下嫁心脏科权威陈良贵（Jason），正式成为幸福人妻。两夫妻婚后首次孖住接受访问，向大家提早拜年，祝愿大家身体健康！Queenie第一年以陈太身份派双封利是，她透露希望其中一封印有自己姓氏的利是封：“我问Jason可唔可以畀我派一封姓朱，一封姓陈，我想保留作为朱小姐嘅身份，只系多咗一重身份，就系陈家新抱、陈太太。佢就话冇所谓，可能佢屋企喺外国长大，思想好Open-minded，所以好多事都好包容我。”

问到现时造人大计进度，Jason表示：“本身结咗婚都想有1、2年2人世界去旅行，但唔反对有小朋友，顺其自然。”Queenie则坦言经常被人“催生”，但仍坚持按照自己的节奏：“我以前计划好多嘢，但时机未啱就未啱，我18岁以为自己25岁结婚，但命运冥冥中自有主宰。所以生BB呢，唔好被年龄限制，时机到，上天就会送呢份礼物。起码依家我身体检查，医生话我啲女性机能仲系廿几岁。”

新婚两个星期，平日多数由她下厨，而其拿手菜式是番茄炒蛋，她说：“我好珍惜佢双手，毕竟佢做手术时间好长，佢从来冇要求我煮，但我想佢返屋企好好休息。佢每次畀嘅反应令我好有满足感，更加有动力，一滴汁都唔漏。”Jason即在旁附和狂冧老婆：“我真系锺意食，愈简单愈好。”

近日夫妻档频频做直播交流身心健康资讯，Jason预先分享新春有“营”贴士！

贺年食品对身体好大负荷？

J：一般椰汁糕、糖冬瓜贺年食品糖分好高，有机会增加心血管疾病风险。所以我建议食得，但注意分量，依家有新潮嘅礼盒可以代替，放果仁、无盐嘅腰果，又健康又可以招呼客人。

挨夜玩通宵好伤身？

J：玩通宵一定好开心，我自己唔反对。但第二晚咪瞓番多啲，每晚都通宵会影响生理时钟，所以间唔中一、两晚尽兴，尤其依家疫情惊呢样惊个样，大家都精神紧张，放松吓自己，何乐而不为。