被阮儿分手劲无奈 卫志豪：系有啲模糊

etin

艺人卫志豪（Michael）与阮儿拍拖三年，日前阮儿在活动上惊爆两人已分手，而Michael更疑似被分手。Michael出席新春节目《送鼠迎牛开运王》 拜神时，对分手一事，全程表现无奈：“佢话单身，咁我都系单身啦。 （最近发生咗咩事分手？）冇发生咩事，都分开咗一段时间，大家要沟通吓先。（依家系冷静期？）可以咁讲。（有冇正式讲分手？）讲过分开吓，唔同时间做唔同嘅事，依家大家嘅想法唔一致。（边个提出分手？）唔系我。（因为同居试婚失败？）拗撬又冇乜嘅。（畀人分手都唔知咩事？）有啲模糊。（会唔会挽救？）分开吓先。”

问到是否结婚问题未能达成共识？他称自己有结婚目标，但时间上不对，大家亦有深入讨论过这问题：“我自己有计划，只系未落实。（求咗婚？）未。”讲到他似乎处于被动状态，他反问：“你觉得呢？男人讲太多始终唔系咁好，佢嘅决定我控制唔到， 但我尊重同接受。（觉得可惜？ ）当然可惜，3年时间始终有感情，依家大家专心工作。（之前唔专心工作？）之前都专心，可能太专心工作忽略咗佢。”他透露阮儿将搬离爱巢，又笑言自己新年都要买定桃花。​