只字不提王浩信 陈自瑶：清楚了解自己想要咩

etin

艺人陈自瑶（YoYo）日前社交网预告有重要消息宣布，原来系处女下海开设个人影片频道！第1条片就一口气解答网民11条问题，片中见佢悉心打扮，以斜肩红色连身裙上镜。影片上载短短半个钟就已经有4千人观看次数，成绩不错，其中有网民问佢之后会唔会分享同女儿王靖乔嘅生活日常，不过YoYo就话暂时唔会啦，因为想女儿专注学业，希望同普通小朋友一样成长。

将于8月踏入40岁嘅YoYo，被问到20、30、40岁心态分别有咩唔同，佢坦言：“我记得20岁时仲系好傻，完全唔知自己做紧咩。到30岁，我就应该结婚、有小朋友，我要去学习做一个妈妈去照顾家庭，嗰时同以前少女好唔同，原来有好多嘢要学习。39+1就系依家，唔同嘅就系，你会更加清楚了解自己想要啲咩，同埋应该点样行。我最锺意系依家呢个阶段，因为可能人成熟咗，学习到好多嘢。”言谈间只字不提老公王浩信外，更隐约意味着现时凡事都要靠自己。​