汤洛雯宣示主权做正印 马国明“二奶”沦陪衬

etin

无綫小花汤洛雯（靓汤）同马国明不时传出好事近随时喺今年拉埋天窗，虽然仲未有结婚消息，但靓汤已霸埋男友架车宣示主权！靓汤喺马国明架战车前面Chok晒甫士影相，鬼咁有型，佢以英文留言：“事实上…我系个好锺意揸车嘅女仔！”马国明都好识做回覆：“型……😎😎😎”网民都笑言：“你锺意揸车因为呢架车系你男朋友嘅😚！”唔少男人都视车如妻，今次靓汤咁放闪法，仲唔系“坐正”做正印？

而日前，佢话想开网上频道，问吓网民改咩名好，网民就建议“天下第一仙女”、“返嚟饮汤”，当有人话“Tournament”，靓汤就自爆“其实系我花名嚟嘅🤫”，亦有人笑言“明雯规定”，靓汤回覆“笑咗”，真系冧到晕啦！佢又话会拍啲真实嘅片，唔通公开感情生活？真系令人期待呀！​