江嘉敏自认有肉地 罪魁祸首系男友！

etin

艺人江嘉敏出席剧集《黯夜守护者》拜神仪式。讲到近日与男友看婚戒被指好事近，她说：“唔系，当日只系同妈咪、男友一齐行街，冇睇首饰，只系睇手袋、颈巾、衫。冇咁快结婚，都要忙拍剧，如果有喜讯再话畀大家知。（妈咪有冇畀压力你男友？）冇，妈咪好锡佢㗎。”提到早前出席无綫台庆颁奖礼被指胀爆，问到可有介意？她说：“冇，明白拍剧、工作都需要瘦啲，已经开始节食、食健康餐同埋做运动减肥，好开心开工有同事问我系咪瘦咗，证明努力冇白费。不过，我唔系追求瘦，最紧要健康，身体都唔系咁健康。（网民话你似有咗？）绝对唔系，有肉地系真嘅，之后拣衫都会拣适合自己身形同颜色，所以今次剧中我全部都系拣黑色衫。”她又笑称有“肉地”的罪魁祸首是男友：“有时好夜收工，随口讲吓话有啲肚饿，佢就去煮面畀我食，唔通唔食咩，所以咪搞成咁，依家要忍口喇！”​