李彩华豪爆拍剧 百万私伙名牌吓窒全世界！

etin

天生购物狂李彩华（Rain）平日花费不少，最近为配合新剧《家族荣耀》的浮夸角色，终于可以出动过百万名牌，连同剧演员都被其行头吓窒！她直言每次出场都十足行时装骚，由头到脚名牌尽出，简直将家中珍藏大晒冷：“真系讲得出嘅字母品牌……好似‘C’呀、‘H’呀同埋‘L’，全部有齐……因为角色系选美出身然后嫁入豪门做少奶奶，所以要着得好富贵。日日Full gear，大家都知道系剧情所需，试过连同剧男演员都问：‘究竟你屋企仲收埋几多？’其实我买咗一定会用，唔允许浪费。”

现实中，Rain坦言从未想过嫁入豪门，因为性格太过我行我素，难以接受循规蹈矩地生活。她指身边有好友嫁名人后，被要求言行举止要大方得体，平日出街打扮亦一丝不苟，她就正正相反，永远将工作放在首位，只好望“门”轻叹：“我份人直肠直肚，如果呢样唔做得，嗰样又唔讲得，肯定顶唔顺。要我留喺屋企等人养更加冇可能，反而拍戏就过足瘾，人生未试过嘛！”她又透露开工期间经常NG，原来她已很久没拍港剧，所以不自觉将对白全部转成普通话，令其他人都忍不住笑她！

以往新年她例必旅行充电，之前多数飞日本滑雪，不过疫情关系，她预计今年留港度岁，最想有更多时间与朋友聚会见面：“唔止我一个飞唔到，好多人情况一样，所以留喺香港都唔怕冇脚陪闷亲。”​