【男人的浪漫】徐荣电单车手Look型到爆！

etin

人到中年有事业、有家室、有子女，仲会有咩所求呢？最近唔少年过40嘅男艺人，就沉迷上电单车，一齐投入男人的浪漫。

46岁艺人徐荣育有1子1女，成日一齐跳舞拍片放上网，Family Man形象深入民心。不过，近期佢爱上电单车，加入电单车迷行列。佢喺社交网大晒揸电单车嘅相，一身电单车手打扮相当入型入格，佢话：“另一种风格，另一种精神的机车（电单车），游车河。”

而同样育有1仔1女嘅47岁艺人森美，都一早加入咗古董电单车狂热份子行列，去年已经买咗4部电单车嘅佢，成日撇低老婆仔女，每逢星期日都会一早出发四围去，玩到夜晚11点先返屋企交人，不过佢老婆都应该好放心，始终玩车好过玩其他嘢嘅。另一位电单车迷佼佼者，点可以数漏都系育有1仔1女嘅张继聪呀！41岁嘅佢成日孖住森美一齐出车，好似两兄弟咁拍住上。两条佬咁鬼型，如果唔系结咗婚，相信都识到唔少女仔㗎！​