疫情下飞加国拍剧 李施嬅落机即做呢样嘢！

etin

艺人李施嬅虽然有份于台庆颁奖礼提名视后，但佢心知今年与奖项冇缘，所以颁奖礼当日独自飞返加拿大，为拍摄加拿大剧集《血与水》做准备。而佢今日已经抵达当地，仲开始入住酒店进行14日隔离生活。佢将离开香港机场至入住加拿大酒店嘅过程，全部拍摄在内，喺社交网上载咗条片。见佢全程自拍，首先就话香港机场所有店铺都冇开，而佢亦经一轮检查之后才入闸，而上到飞机唔系好多人，座位十分松动。经过十几个钟嘅机程，佢终于到埗，第一时间即刻买杯咖啡同汉堡包医肚。之后坐的士去酒店，佢一到达酒店又不停影吓环境，入面有厨房、有厅、有厕所同埋房，又有餐枱同梳化，都应有尽有，十分舒适。​