滕丽名撼头埋墙起咗个“楼” 老公赞特技妆好似

etin

艺人滕丽名喺社交网上载咗一张额头起“楼”嘅相片，个瘤仲成个乒乓波咁大，睇到都痛。原来佢昨日唔小心“撼头埋墙”，额头受伤，原本谂住老公朱建昆会心痛锡番，点知佢以为老婆化咗个特技妆。滕丽名留言：“上次人夫畀唔落妆嘅人妻吓亲之后⋯⋯佢聪明咗，老公：老婆做乜一早起身化伤（受伤）妆呀。老婆：系真㗎～～～撞咗个头埋墙好X痛啊！”点解老公有咁嘅反应，话说老婆去年有次拍额头受伤嘅戏份，未落妆就返屋企，当时老公吓得以为佢撞伤头，今次咁啱又系额头，老公咁嘅反应都好正常。但好友黄翠如睇到都心痛，留言：“好大粒！睇到都痛。”​