造型大晒冷！叶茜文回忆入行扮死尸

etin

艺人叶茜文于无綫处境剧《爱．回家之开心速递》中演“岛大女神”，造型百变扮乜似乜，而佢最近就喺热播剧《坚离地爱坚离地》中扮演女仆，亦都入型入格㗎！佢喺社交网大晒入行以嚟，演过多个唔同嘅角色造型，留言：“话说大概3年前喺我啱啱入行嘅时候，当年我嘅主要职务系做路人甲同埋死尸。有一日，有人搵我接套剧，有个角色有少少戏份，我好期待，听都未听清楚内容我就接咗。结果，发现原来要扮女仆，仲要跳舞，咁都冇嘢嘅，几好玩啊！”

点知拍完之后收到通知，话套剧集冇得播，令佢感到有啲失望：“本身都冇乜所谓，因为相信总有一日大家会见到制成品。但系之后知道套剧喺其他地区已经播出，我有少少失望，因为我以为永远唔会喺香港播。”幸好剧集终于在港重见天日，佢睇番自己嘅演出，感觉有点微妙：“好多回忆同感觉涌返出嚟，成个体验我会用三个字来形容‘坚离地’。”