冲上云霄大选：麦大力夺冠！

etin

《冲上云霄大选》赛果终于出炉，三甲清一色全男班，结果由34岁曾任机长的麦大力夺冠获“冲上云霄”大奖，亚军则是30岁的盛劲为，至于季军是28岁的陆焕恒，而“才艺大奖”则由杨铭熙演唱“头发乱了”胜出。公布亚军时，盛劲为被主持形容是麦明诗绯闻男友，令他十分尴尬。

麦大力受访时表示对得奖感到惊讶，并多谢无綫及其他参赛者的支持，觉得很好玩，问到如何庆祝？他说：“一定要带佢哋出去食饭，当然系由我请食饭，食乜都得。（你赢喺边方面？）我都唔知，个个都好有才能，佢哋又高又大只。”他认为今比赛是个很好的经验：“可以有呢个机会喺咁多人面前演出。（你会做艺人？）我会。（唔做机师？）never say never。”

盛劲为与大只仔陆焕恒分别夺得亚军及季军，问到盛劲为输给麦大力会否感失望？他坦言：“绝对冇失望，我企喺佢隔篱，佢咁靓仔，佢个样摆喺度已经赢。（觉得你输在乜？）输在个样同埋唔系混血儿。”他自言从来没想过会得奖，只是当参加派对：“因为冇嘢做，所以嚟参加，估唔到咁Chur，所以我好尊敬港姐，真系顶唔顺。（麦明诗冇同你讲好辛苦？）佢冇讲。（你想做艺人？）我都有兴趣喺幕前发展，觉得同大家好好玩，好新鲜，但都好大压力。（唔做机师？）将来嘅嘢唔知。”

​至于陆焕恒称没有想过获奖：“参加系为学习吸取经验，我好少幕前工作经验，呢几日获益良多，识到一班好朋友，佢哋好玩得，一世难忘。（会唔会谂住做幕前？）都可以试一试，难得无綫畀机会我哋。”

而夺得才艺大奖的杨铭熙，问他是否预料之内？他笑言：“唔系，好多谢无綫，呢个系我梦想，我以前系舞蹈艺员，只系企喺侧边，我想做主角，今次梦想成真。（你表现好进取，但三甲不入会唔会失望？）唔系，我冇谂过攞奖，因为冇包袱，所以就轻松啲同发挥好啲。我真系可以拍《空少带你去旅游》，我锺意表演，我之前都系舞蹈艺员，对呢方面好有憧憬，我锺意跳唱。”他跟曾是空姐艺人朱智贤是同班同学，他称对方有提示他不用紧张，轻松参与便可。