危坐离地20呎高位 朱智贤陈芷尤搏尽为影靓相

etin

​朱智贤因卷入桃色风波而被掟入雪柜，停工期间迷上行山嘅佢，昨日就相约最近由新加坡返港嘅好友陈芷尤行山，并将靓相上载至社交网，2位同框即引起网友热议。佢留言表示2人虽然久未见面但感情依然不变：“和这个女生拍摄《玩尽澳门无限式》一拍即合！就系咁一路friend到依家。虽然你已经唔喺香港生活，但系好朋友就系几耐冇见都好，感情都唔会疏远！同妳相处永远都感觉好舒服好开心，Love you！”其中一张相见佢哋擒上咗似系水闸边位影靓相，目测离地有20呎高，如果一失足都相信冇乜生还机会，真系睇见个心都离一离，唔少网民都留言叫佢哋要小心，唔好为影靓相出意外！