细女出世喇！王祖蓝好兴奋：个样唔似我

etin

艺人王祖蓝再做爸爸喇！佢喺社交网宣布细女出世，佢晒出一家四口合照，留言：“三个女人一个墟，一个男人戆居居。”据知B女在上海出世。相中所见，祖蓝负责抱住大女，老婆李亚男抱住细女，一齐向新生命送吻，非常有爱！

祖蓝细女英文名叫Hayley，中文名叫王海静。问到祖蓝同亚男第一眼见到Hayley系咪好感动？李亚男笑言：“当我哋第一眼见到Hayley时，系觉得好搞笑同神奇，因为佢同家姐一模一样样，见到佢就好似见到啱啱出世嘅家姐咁，实在真系太似样了；唯一有一点唔同，就系Hayley个鼻好似仲大过家姐咁，系一个大鼻妹嚟，哈哈哈！但好感恩佢系一个好漂亮嘅孩子，好多亲友睇咗相后都赞佢好靓女。”祖蓝补充：“好感恩佢唔似我，最紧要系个样唔好似我，似晒妈咪就可以㗎喇。”

问到再生第二胎系咪冇第一胎咁紧张？佢话：“因为有咗第一次嘅经验，又因为我系开刀，好多嘢都按照住schedule发生，所以今次就真系冇咁紧张同激动，但当然嗰种开心同奇妙嘅感觉依然系非笔墨所能形容。”​