【40日减20磅未够癫】张建声1个月增至190磅都唔够

etin

艺人张建声近日为拍戏认真博到尽，继之前为电影《一秒拳王》喺40日内极速减逾20磅，仲要练得一身肌肉之后，呢排佢又为拍戏极速增磅！佢喺社交网透露增至190磅，除成功拥有劲大个肚腩之外，仲有丰满嘅双下巴，发福唔少！但佢话今次增磅唔够理想，仲要增多30磅先满意：“190磅之达成，不能预测结果，只好坚持信念，信剧本、信导演、信自己，距离目标还有30磅，搵吓自己极限！”唔少网友大呼惊讶，仲问究竟佢用几多时间增磅，佢话用咗差唔多1个月时间，更有网友担心佢成日减肥又增磅，惊佢身体负荷唔到，但佢就叫大家唔使担心：“ok！”​