嫌弃“八婆”陈滢 黄宗泽搭路沟空姐！

etin

艺人黄宗泽最近忙与万绮雯老公、有“鬼才编剧”之称的陈十三宣传剧集《非凡三侠》，他大赞剧情引人入胜：“斋睇剧本都觉得正，系我其中一个最锺意嘅剧，笑中有泪，着眼点唔系爱情，观众睇到会有意想不到嘅效果，唔会去谂几时锡，几时有床戏。今次得6集好短，但相信大家会翻睇，同埋我已经叫十三开第2季。”

饰演特技人的他，有不少惊险打斗场面：“套剧喺马来西亚拍，有场戏由地铁站枪战开始，打到去3楼吊威吔，之后跳落巴士车顶，再跳入车里面，跑餐死，飞机大炮咩都出齐！我连直升机都帮佢哋免费借埋，搭膊头借咗好多景，碌尽人情卡，豪宅、直升机，连消夜都未埋过单，因为我马来西亚朋友多，个个轮住请！”

陈十三亦表示这套是最满意的作品之一，但由于演员阵容鼎盛，加上出埠拍摄，最终超出预算，结局要由大型武打场面变文戏：“Ending冇钱拍，但愈冇钱就愈要动脑筋，最后错有错着，打戏变文戏，效果仲好！”黄宗泽深感同意：“作为演员要拍喊戏，第1次喊到，好难喊第2次，但场戏3个Take，我竟然3次都喊到，剧本真系好帮到！”问陈十三为何不安排角色给老婆，他笑说：“我哋比较独立，佢依家主力喺内地发展。（少见咗？）系呀！都挂住佢！”

此外，黄宗泽早前与陈滢不时在网上互动，问会否怕传绯闻，他反眼笑说：“呢条八婆，佢外表女神，内里就‘呢啡’，其实不拘小节，鬼妹仔性格好玩得！（有冇机会发展？）佢唔系我心仪。（你心仪边类？）唔系我拣老婆，系阿妈拣新抱，佢冇催。我老友嘅老婆系空姐，我成日叫佢介绍啲空姐畀我，但一个都冇。（你身边应该有？）我都想，日日开工，见嚟见去都系嗰班朋友。”​