陈豪自爆被助手恋上：我完全唔察觉！

etin

剧集《爱美丽狂想曲》的一众演员陈豪、李佳芯（Ali）、陈滢、萧正楠、曹永廉及杨诗敏（虾头）日前接受由伍咏薇及林盛斌主持的节目《Tiger's Talk》访问。各人讲到请助手的难忘经验，陈豪自爆多年前曾经被助手恋上：“佢跟咗我大约2年，我完全唔察觉，佢系一个好能干嘅女仔，成日都会想唔同办法去帮我，佢话我知佢锺意咗我，不过我当时有女朋友，都唔系好记得自己点答佢，但我都有自省系咪做咗啲咩令佢误会，我只能够讲我系正人君子。我冇炒佢，后来佢自己辞职。”Ali指最难忘的事是发生在访问之前一刻：“助手啱啱撞咗我架车，可能佢比我仲心急，怕我迟到，倒车时唔小心。转个头佢买番杯咖啡畀我就算，唔会叫佢赔。”

而陈滢曾经在温哥华做过牙医的助理，不过就有一次怀疑“#metoo”的经历，她表示牙医陪她温习时突然用手轻拍了她的大腿一下，令她感到怪怪的。萧正楠难忘聘请的男助手，对方长期娘娘腔兼阴声细气，喜欢超近距离“咬耳仔”交谈：“我唔知系佢贴心，定真系贴心得滞，我换衫，佢就赶晒啲人出去，但佢自己唔出去啰。”

曹永廉坦言曾经聘请女助手，直接跟对方同房睡：“我住套房，佢瞓厅。（咁你都瞓厅？）主要因为有咩佢可以帮我拦住，平时太多女演员冲入我房。”提到工作，他忆述一次“𤓓”爆经历：“我识个公关成日都话搵我做嘢，但识咁多年冇工作畀过我。有次佢又搵我，我就忍唔住用电话录音不断用粗口同萧正楠呻，点知原来我错手Send咗畀个公关。”​