享受单身睇韩剧幻想 张可颐自嘲愈嚟愈似男人

etin

曾经跻身无綫“四大花旦”的张可颐，于2003年凭《九五至尊》勇夺视后宝座，直至2012年离开娘家，转投香港电视旗下，约满后也转向内地发展，期间偶有本地作品，至近日参与ViuTV剧集《暖男爸爸》，曝光率也逐渐增加。众所周知可颐是一名工作狂，以往一直为事业向前冲，感情事方面似乎早已放在一旁，除了为人熟悉的几段恋爱史外，近10多年来未有听闻她提及恋爱状态，就连丁点绯闻也没有，名副其实是爱情绝缘体，要恋爱就往往只能透过角色尽情去爱。

大抵已习惯了单身生活，所以可颐认为某程度上也颇为享受，她说：“都好多年，心态上又冇乜嘢，得闲咪睇吓韩剧幻想吓！不过我仲相信爱情，当今100个女人入面，有99个都需要爱情支撑，但女人天性系会照顾人，冇爱情滋润发挥唔到内在潜能，仲点可以养育下一代？所以我依家愈来愈似男人，当然我都有女性一面，只系冇咗要照顾家庭呢样嘢，其实冇咩大分别，有妈咪、细妹同姨甥，大时大节又一齐过，都唔系好大缺陷，年轻人情人节要食烛光晚餐，心谂自己年轻时都试过啦！”

人愈大要求便随之降低，可颐不讳言现时连对自己生日也平常心，追求平淡，亦为他日万一没有另一半时准备充足：“我谂定好多未雨绸缪嘅嘢，好似住屋问题，如果第时老咗上唔到楼梯，买House唔好拣楼梯太高嘅，或者可能到时调落地下住，又会买定晒保险，有咩事有得保最紧要，起码唔使家人担心，我唔敢讲到时会唔会有个伴，可以做到就做多啲准备。（冇以前咁冲？）我唔系要享受，系想做多啲有意思嘅事，以前搏命系想证明畀父母同自己睇可以去到边，但当经过之后，会觉得其实自己都唔错呀！以前单纯啲，曾经会Focus买靓车、手袋、住边间酒店，依家注重内心嘅开心，唔受呢啲影响，即系有就开心，冇亦都高兴，后生时系做唔到。”

谈到现时已过了追名逐利阶段，若然想追求她是否很难？可颐笑指对择偶没有设下界线，即使赚钱能力比她低也能接受：“冇问题，我身边有对Couple朋友，老公系好好嘅基督教徒，佢自己系一名女医生，男嘅平时负责屋企大小事，做得非常好，打破男主外女主内嘅传统，所以只要2个生活开心幸福就OK啦！”

可颐早前于《暖男爸爸》饰演保险从业员，剧中除了有一段婚姻外，她与演“年下男”的骆振伟也有感情线，笑指平日见对方做主持人非常纯熟，没料于片场却表现紧张，她说：“佢对住我就会冒汗，好奇怪，有叫佢放松啲嘅，我都唔知点解，不过呢个组合几新鲜，角色几贴近佢，有家底又绅士。”此外，她坦言向来对保险认识很皮毛，多年来仅买了1份保险，故拍摄前也专诚搵朋友做资料搜集，她说：“拍完真系了解好多，即刻买多咗份，特别系我成日去外地工作，买多份都系保障家人同自己，令佢哋放心多啲！”​