淋红油吓怕？麦长青退股和牛店暂时唔谂做生意

etin

艺人麦长青（麦包）出席“AEG音乐排行榜颁奖典礼”，讲到他退股与友人夹份的和牛店，他透露：“系呀，依家仲计紧数。（冇蚀？）会攞番我投资嘅钱，呢4个几月就当做义工，但都开心学到做呢个行业嘅流程。（下次唔再同人夹份？）做生意一系信人或人哋信你，自己做就得与唔得都系靠自己。（下次想做咩生意？）好多人叫我做番和牛店，但今次都系太太同个女主力帮手，我就负责策划同辅助，得闲送货，演员好难摆晒全部心机落去。”

问到退股可关铺头之前被人淋红油事？他坦言：“唔关我事，佢哋都好大压力，因为同咗我之后就好多嘢都畀人讲晒出嚟，同埋我嚟紧工作未必兼顾到，拍戏成日要行出行埋，唔想太太咁劳累，佢又要帮手照顾屋企啲长者。（会唔会怕咗做生意？）又唔会，可以搵钱帮补吓，咁多年做生意都有赚有蚀。”​