林德信为王君馨拍MV操肌 卖关子唔答有冇亲热戏

etin

艺人林德信到北角出席新戏院开幕，透露近日健身中心因疫情关闭，故改做户外运动，如踩单车、打篮球等，问到为何不跟爸爸林子祥打高尔夫球？他笑言：“佢啲时间好早，凌晨四点几就出发，我冇可能起到身，所以佢都费事邀请我，因为知我一定Say no 。”

讲到近日他在社交平台大晒骚肌相，他透露：“之前王君馨邀请我拍MV，其中要Show上半身，所以我用咗两个星期操Fit，要节食、做运动、每日做Gym两次、跑步、踩单车，全心投入，好耐冇试过咁，真系好辛苦，要节食好唔开心，但好满意成绩，所以就纪录吓。”问到要除衫可是要与对方上演亲热戏？他就大卖关子：“依家唔讲住，但就系拍咗嘅，所以依家好开心，寻晚都食咗雪糕、饮啤酒，今日早餐都食咗包同甜嘢，好似放监咁。”