日日放闪！萧正楠“斋”到爆 隔空呵实黄翠如

etin

艺人萧正楠（阿萧）因被列为新冠肺炎患者嘅“密切接触者”，现正接受强制隔离14天，身为廿四孝老公嘅佢入营前更为老婆黄翠如煮定餸菜，方便老婆可以翻热就食得。两夫妻突然间被分开2星期，难忍相思之苦密密喺网上隔空放闪！身处隔离营终日无所事事嘅阿萧，喺社交网上载晚餐饭盒相片，叫老婆估吓系咩菜色，翠如回答后，阿萧就开估表示系“斋”、“斋”、“斋”，睇嚟真系好Dry吓！之后，阿萧又公开出Post关心老婆：“一天过去，有冇好好照顾自己？”翠如随后再回应：“话时话有人强逼我焗番，3日前剩番嘅Pizza食埋佢！”闪盲一众网民，认真冤气！​