马国明奸上瘾 做好角色唔睇奖

etin

入行20年的视帝马国明在《使徒行者3》首次演大反派，虽然演戏经验丰富，但亦非“一理通”，马国明直言角色有挑战：“有啲难度㗎！因为做开正直角色，马国明畀人正直、蠢蠢哋嘅形象太深，可能观众未必接受，但演员就好享受做反派。之前喺《飞虎》做贼王已经好好玩，听到今次做反派真系好兴奋，做咁多年戏就系等呢啲挑战。”他更坦言做反派做上瘾，因为发挥空间大，加上现在的剧本写得很巧妙，不会令观众反感。

赞林峯保持“童心”

上年度凭《白色强人》夺视帝的他，今年卫冕身份再争夺视帝，但反派攞奖难度却大增，他说：“真系唔知，反派都真系少啲，睇出街反应，自己唔紧张奖项，入行都系因为锺意做戏，享受咗角色先。好似有啲演员锺意拍大制作，觉得容易攞奖，但我又唔会净系锺意拍大制作，演员应该咩都试吓。”

马国明与林峯当年同是无綫力棒的“奥运六星”而合作无间，今次隔十多年后再在《使3》合作，他说：“林峯都冇乜改变，都仲系好有童心，走埋一齐感觉同以前一样，可能做呢行就系要好有童心， 自己都好贪玩，接到新角色都会好兴奋。”​