陈滢揽瞓肥仔猪腩 转头搞乜5秒落泪？

etin

刚踏入31岁嘅艺人陈滢，一向都系宅男女神，主攻拍剧嘅佢都入行好几年，今次佢就决定挑战5秒落泪骚喊功，将呢几年嘅演技精髓嚟个大爆发！

见佢片中一开始就已经泪光闪闪，左望右望Hold住啲泪水，佢仲咪嘴讲对白，讲完“I'm fine.”之后，佢眼仔即刻滴咗大大粒“珍珠泪”落嚟，真系令人心痛死啦，不过都好多网友大赞佢喊功有进步，5秒就入戏，仲狂赞佢系“神仙落泪”添～

另一条片就见到佢“左右逢源”，揽揽2个戴住印有黄宗泽同方力申靓样面具嘅女仔，不过原来佢至冧嘅系有巨腩嘅肥仔，佢仲大方到成个人瞓晒落个腩仔度，仲又揽又挨，点知就畀对方一手推开，仲抛下致命一句：“我有女朋友㗎！”净返陈滢自己一个坐喺度…​