唔做银行职员派散水饼 黄婉恩加盟无綫

etin

应届港姐大部分已经签约无綫，成为旗下艺员，当中包括三甲冠军谢嘉怡、亚军陈桢怡、季军郭柏妍，仲有落选佳丽廖慧仪同何孟珊等。估唔到任职银行嘅落选港姐黄婉恩亦决心加入娱圈，昨日喺社交网宣布辞职唔做银行，并上载多张派散水饼嘅相片，多谢一班同事照顾咗自己3年咁耐，更公布已经加入无綫呢个大家庭，佢以英文留言：“今日系我last day，我会好挂住你哋，好多谢呢3年，大家好似屋企人。好感恩可以有机会畀我去增加我投资知识，亦等我可以灵活咁去追求自己梦想，参加香港小姐。”网友亦送上祝福，希望可以快啲喺电视见到佢！​