离谱！“秦始皇”“陈真”撑亚姐竟然冇位坐

etin

亚洲小姐香港区比赛尘埃落定，期间有个环节系献唱亚视经典剧集歌曲，当中包括《秦始皇》及《陈真》等，呢两套剧嘅主角刘永同梁小龙都有畀面出席，点知去到现场，佢哋两个竟然冇位坐，最后搞到佢哋嬲爆爆走人！

有爆料者透露，原本VIP席的确系有刘永同梁小龙嘅位，但系开场冇耐就畀不知名人士霸占咗，亚视嘅公关曾经劝不知名人士离开座位，但系最终都搞唔掂，所以导致两位剧集主角到场之后出现冇位错嘅尴尬场面，最后两人见搞咗一轮都搞唔掂，最终就怒气冲冲离开会场。

2020亚洲小姐竞选发言人林小姐就事件表示：“商务部同事出错，已出了警告信给相关同事。”