汤怡爆男伴约睇鬼片摸黑亲近

etin

关智斌、卫诗雅、汤怡、李靖筠、艾妮、杨天宇日前云集英皇戏院（将军澳康城）参观，盛赞设备、环境均属5星级，众人边叹美食边倾偈。谈到睇戏的趣事，汤怡笑言有男友人约她睇鬼片，而卫诗雅亦大爆在戏院献上“初吻”！


作为第6间英皇戏院，选址登陆“The LOHAS康城”，一班艺人关智斌（Kenny）、卫诗雅（Michelle）、汤怡（Kathy）、李靖筠、艾妮、杨天宇当然第一时间去参观，他们大赞戏院环境舒适，再配以最新Sony 4K Laser投影系统、Dolby杜比7.1音响，简直置身拍戏现场一样！

众人工作各有各忙，今次难得聚首，当然要倾餐饱，他们边叹戏院精心炮制的美食边倾偈。提到不少男仔都爱约心仪女仔去睇鬼片博摸黑亲近，Kathy笑言亦有男性朋友出此“绝招”：“会特登约去睇（鬼片），不过我都觉得同男仔去睇呢啲戏，个心会定少少，我亦绝对唔会自己去睇，同埋会拣日头入场。”

Kathy又笑谈自己的“黑”历史，原来她曾经想做歌手，但可惜歌声未能达标，最终歌星梦碎：“未正式出道之前，我学咗唱歌、跳舞2年，当时仲有2个女仔，公司原本想我哋以音乐组合出道，但可惜去过几次试音，结果都系‘唔系嗰回事’，跳舞又畀人话似耍太极，最后就打消咗念头，返咗内地拍电视剧，当时佢哋仲帮我哋起咗个花名叫‘煎酿三宝’。”经过如此一役，她至今唱歌仍有所恐惧，就算同朋友唱K都只是斋坐唔唱，不想“魔音”吓亲大家，不过她觉得做人应该“边度跌低，边度企番起身”，所以现在都想重拾音乐梦，克服自己的恐惧。

卫诗雅初吻又甜又惊

而Michelle入行至今都相当拼搏，为演戏可以奋不顾身，于电影《除暴》中，就试过由2楼一跃而下，十分大胆。不过靓女都有胆怯的时候，她指自己当年在戏院献出初吻，感觉又甜又惊到震：“我同初恋男友都好喜欢睇戏，所以第一次拖手、初吻都系喺戏院度发生，有好多美好嘅回忆！（初吻嘅感觉如何？）当然系好甜蜜，当时应该系睇紧爱情片，个气氛系好浪漫，但始终系第一次，嗰一刻真系成个人惊到震！”

关智斌自爆系奇人

英皇戏院设备、环境都相当之好，更有不少票价优惠，绝对是拍拖、朋友相聚的好去处，Kenny当然十分喜欢，不过他亦不忘自爆是“另类观众”：“因为戏院嘅环境太舒服，我好多时入场冇几耐就瞓着，最神奇嘅系睇嘅电影愈嘈，我愈瞓得快，我啲朋友都话我系奇人。不过如果我睇一啲剧情片，因为会想知后面会点、最后凶手系边个，反而又唔会瞓喎！”