阿Paul千里传音送生日歌 朱茵牛一收惊喜祝福

etin

艺人朱茵前日49岁生日，由于近日为电影《雨打芭蕉》开工，与老公黄贯中（Paul）及囡囡黄莺分隔两地，但剧组非常贴心，特意为她炮制“惊”喜派对，令寿星女感动不已。提到老公及囡囡两位挚爱，朱茵笑指前者早已“遥距送礼”：“24号嗰晚我收夜，放工已经踏入生日，但因网络问题，接唔到老公电话，佢好心急咁搵我，最后唱咗生日歌畀我听，正日亦都有唱，所以我带住愉快嘅心情开工。其实喺工作中度过生日系一个好兆头，寓意全年富足圆满。”

谈到与剧组庆生，朱茵说：“成组人叫我入房，好严肃咁同我讲，今日嘅戏要重拍，我心谂：‘唔好啦，就快煞科喇，唔想浪费大家嘅心血。’点知佢哋讲得好有说服力，我以为系真，呢个时候工作人员突然播咗段片，内容系《雨》片嘅剧照，以及我喺片场嘅快乐片段，好感动呀！”与剧组朝夕相对接近一个月，她说：“虽然仲有几日先煞科，但系我已经好唔舍得呢班好努力、好热爱电影嘅年轻工作人员，佢哋系我身边嘅小天使。”提到今年的生日愿望，朱茵坦言将愿望留给《雨》片，祝愿电影取得佳绩，她又直言觉得今次角色是自己转型之作：“我好期待呢部电影，因为同我以往接拍嘅角色好唔同。呢套系一部好贴地嘅艺术电影，将好多现况透过电影话畀大家听，希望入场嘅观众朋友会感同身受啦！”​