为上位做衰自己！张秀文期待畀人闹死八婆

etin

2010年参选港姐并夺得亚军的张秀文，2015年凭34D“咪咪”吸睛，参演综艺节目《超强选择1分钟》成功弹起，成为无綫当代“咪神”，风头一时无两。身材惹火的她在旅游节目《3日2夜》浸温泉，进一步俘虏网民，不过当时有报道指她被经理人男友仇耀斌“私有化”，此举令宅男心目中的“梦中情人”形象幻灭，发展因而停滞不前。

最近她在无綫新剧《木棘证人》演贪钱港女Yuki，与罗仲谦有不少亲热戏，这个角色绝不讨好，张秀文却视为发挥机会：“监制同我倾戏前已经讲明唔好介意，我觉得有戏演已经好开心，其实都系演戏啫！（唔惊畀观众闹？）我想人闹呀，好期待添呀！最想出街畀人闹‘死八婆’，咁样先代表我演得好！”

剧中Yuki与罗仲谦相恋10年，由学生时期相识，后来拍拖同居，最后分手收场，张秀文坦言可以体会Yuki的变化，从贪慕虚荣到双方疏离，甚至见异思迁，启发到她对婚姻的看法：“我发誓再搵对象，一定唔会同居，啱嘅就结婚！”她有此想法其实并不难理解，皆因她与无綫前经理人男友仇耀斌从拍拖到同居，共度超过7年时间，可惜最终分手收场，至今仍未遇到真命天子，33岁的她坦言：“女人30岁以上有危机感，因为要展开人生另一阶段，例如结婚生仔。两个人一齐好讲Timing，同居后，男方往往会冇咗娶你嘅冲动。我唔会再同居，因为拍拖要保鲜，如果同居，佢就预咗你每晚返嚟，唔再需要挂住你。我真心觉得，同居会令大家错过咗情侣需要嘅甜蜜过程。”

张秀文期望展开人生新一页，问到现时可有心仪对象？她表示：“寻觅中，希望下一个出现嘅对象，就系结婚嗰个，我哋要认真相处，想有将来，因为对闹交、分手、复合呢啲模式好厌啦！（有冇特定条件？）男人好叻，追你嗰阵同一齐咗系好大分别！我要好认真咁睇清楚对方，如果要做到情人、老公、倾诉对象，好似要求好高。我哋搵圈外人做男友，会好难理解我哋嘅作息，但我又唔想搵圈中人。（搵人介绍？）之前同林盛斌合作，佢出名系媒人，我等紧佢介绍！”​