黄翠如40-1生日 着情侣装放闪连马国明都葡萄

etin

艺人黄翠如昨日踏入39岁，当然唔少得同老公萧正楠（阿萧）及一班好友庆祝，阿萧仲特意订制一个精美嘅扑扑生日蛋糕，顺便庆祝埋万圣节。两公婆着上白色情侣装，摆出搞怪表情合照，非常Sweet！好友马国明竟留言道：“你2个最恩爱喇……”再加几个反白眼表情符号，点知反被网民笑指佢同汤洛雯放闪程度都唔弱！而好姊妹唐诗咏亦有喺社交网晒出与寿星女、C君嘅合照，更感性地留言：“I'll love you until the day I die (我会爱你直至我死亡那天)”认真姊妹情深！

萧正楠最近与区永权组成“一笔区萧”，不时孖住喺社交网站拍片唱歌，制作有板有眼，但原来制作人手只得四个人，除咗佢哋两个，萧正楠老婆黄翠如当然有帮手做，做老公背后的女人。​黄翠如39岁生日，区永权特别买咗蛋糕同佢庆祝，仲晒冷骚出佢哋嘅拍摄团队，虽然人少少，但胜在好齐心。佢留言：“同大家介绍一下，呢个就系我哋‘一笔区萧’拍摄团队，每次录歌仔，都系呢4个人8只手8只脚搞掂。此团队嘅宗旨，除咗录歌之外，最重要都系偏重于吃喝玩乐、吹水，甚至庆祝生日等等助兴环节！生日快乐呀，黄脆薯！”