【准新娘晒巨钻】杨秀惠秘密返港为岑杏贤庆生

etin

艺人杨秀惠上年秘密结婚及生女后，一直留在马来西亚凑女，但近日佢就返咗香港，基本上任何返港人士都要隔离14日先可以自由活动，而杨秀惠出关后就第一时间去见好姊妹岑杏贤（Jennifer），目的系为佢庆祝生日，杨秀惠呢个好姊妹认真唔话得！岑杏贤留言说：“看看谁回来，我哋终于唔需要再用FaceTime！终于可以见到大家， Look who is back！多谢妳所有的暖意！我知道一直都会‘手’护着”。而早前入纸注册结婚的Jennifer，右手无名指戴上巨钻婚戒，认真闪爆！

而杨秀惠都将相片Post上社交网，好友庄思敏及粉丝都非常惊喜，留言问佢：“你返咗嚟？”睇嚟杨秀惠要抽多点时间同朋友敍旧喇！

杨秀惠接受访问，她说：“我已经返咗香港一个月，因为本身公司有好多嘢需要处理！而Jennifer咁啱呢段时间生日，加上她公布结婚后，终于可以亲身去祝贺她，大家“久别重逢”，倾得好开心。”问到送甚么结婚礼物贺Jennifer，她说：“拣咗条手链，今次见面未有机会见到佢未婚夫。”秀惠又透露今次返香港带埋BB，好多行李，而且需要做好多检疫，幸好机场工作人员好好，好帮手，好专业亦好体谅，帮咗佢好大忙，得以顺利完成，所以真系好多谢佢哋。”