解构艺人BB名！陈嘉宝大女点解叫Hosanna？

etin

正所谓“唔怕生坏命，最怕改错名”，所以改个好名真系好重要，所以唔少艺人生完BB之后，都会绞尽脑汁帮BB取个好名，唔少BB个名当中可能另有玄机，甚至有父母嘅放闪密码，同埋充满住祝福同寄望，外人未必一眼就睇得明㗎！

​陈嘉宝

艺人陈嘉宝最近宣布诞下第二胎囡囡Eliana，由于事前完全冇知佢大咗肚，所以令人相当惊喜！身为基督徒嘅陈嘉宝帮BB改名都好有心思，喺上年诞下大女Hosanna嗰阵，佢表示Hosanna个名来自希伯来文嘅基督教用语，有称颂欢呼嘅意思，但系陈嘉宝就未有透露细女Eliana个名嘅由来啦！

陈山聪

艺人陈山聪今年7月升呢做老宝，太太Apple为佢生咗囝囝陈霆轩（Jaco），山聪仲解释点解帮囝囝改个咁“霸气”嘅名，原来系山聪希望囝囝健康快乐成长，可以雷霆万钧、气宇轩昂喎！

陈凯琳

艺人陈凯琳（Grace）上月帮老公郑嘉颖生咗细仔郑承亮（Yannick），佢仲大晒一家四口全家福，两年抱真系幸福到爆呀！郑嘉颖大仔郑承悦英文名Rafael好有意思，源自希伯来文，代表上帝守护，同时又同网球员拿度同名，咁啱郑嘉颖一向都好锺意打网球，唔知系咪同拿度致敬呢？

吴若希

依家佗紧第二胎嘅歌手吴若希，最迎已经停工专心养胎，准备迎接小生命嘅到来，而佢嘅囡囡淼淼（Giselle）不知不觉3岁啦，Giselle个名系出自法文，有保证、誓言嘅意思，唔知吴若希会唔会趁住依家停工冇咩做，早啲帮未出世嘅BB谂定改咩名好呢？

郭富城

天王郭富城做咗老窦之后就有女万事足，不时喺网上大晒家庭乐，囡囡作为爱情结晶品，当然个名都有独特意思啦！城城透露囡囡系先有英文名，当时佢帮大女（大宝）改名，拣咗自己锺意嘅C字作为字首，之后孖太太方媛一齐为大女取名Chantelle，并指“Chant”就系希望嘅意思。至于细女“二宝”Charlotte，城城就冇交代咩意思，不过佢就话过谂细女个名嗰阵，想同大女一样都是用“Ch”开头。