陈柏宇讲明唔会请婆婆去旅行 爆长辈好有钱

etin

歌手陈柏宇（Jason）出席ViuTV节目《玩．谢我阿婆》记者会，Jason透露节目系两年前拍落，当时公公亦有同行，不过冇喺节目中露面。Jason透露并非第一次同婆婆去旅行，之前细个经常同婆婆返香港：“唔知点解之前细个好锺意返香港，拣去边我实拣香港。”讲到日后待疫情好转，会否出钱请婆婆去旅行？Jason竟然拒绝，指公公婆婆比起自己有钱得多：“佢哋够钱请自己，因为佢喺加拿大包糉包咗廿几年，又开过食品厂，但其实利润好细，不过佢哋好勤力，虽然依家退休卖咗畀人，但仲有好几个铺位收租，加上佢哋啲楼同子女又供好晒，我就话有排供啫。”问到会唔会下次挑战带外母、妈妈、婆婆同埋老婆一齐？佢笑言已经试过，相处冇问题：“之前去英国影结婚相，两家人廿几个一齐去啦，我老婆又同过我妈去旅行。（冇问题？）冇事，几好呀！”​