饮过最贵嘅酒系几钱？庄思敏廿几万红酒饮完先知

etin

茅台酒每逢长假期都会升值，今年更有多款酒的价格创历史新高，究竟艺人饮过最贵嘅酒系几钱？同埋系咩场合饮过呢？

​

张建声：“我饮过最贵嘅茅台，应该系上次拍《真·三国无双》嘅时候，韩庚同我哋一齐食饭，送畀我哋饮嘅，佢个酿法系以公斤计、一大埕咁，我记得佢嗰细细埕都差唔多成5万蚊，我谂系我人生中饮过最贵嘅茅台，入口方面都真系唔辣，系好舒服，第二朝起身都唔会头痛，真系物有所值！”

梁芷珮：“饮过最贵嘅酒系去意大利酒庄拍摄节目，庄主开咗一支1964年嘅红酒，支酒贵在无价，因为只系得番几支，饮嗰阵都有啲惊，因为实在太名贵，支酒饮落去好似丝咁顺滑，好难忘。”

庄思敏：“曾经饮过一支廿几万嘅红酒，本身对红酒冇咩研究，唔知咩牌子，喺朋友屋企饮，收藏咗好多靓红酒，即兴饮，后来先知咁贵，都觉得有小小唔好意思。茅台都饮过5、6万蚊嘅，依家发现靓酒都愈嚟愈贵，如果好高兴嘅日子，而朋友又好舍得，都会尽量去享受吓。”

吴伟豪：“其实我冇饮过好多款酒，更加唔会买贵酒饮，因为根本买唔起。但都试过有人请我饮酒，不过唔好意思问几钱，咁我都饮过靓嘅威士忌，自己喺免税店买嘅，不过都唔系咩贵酒。”