郭富城靠电影感动人 爆水喉师傅睇到喊

etin

影帝郭富城（城城）主演新片《麦路人》遇上新冠肺炎疫情，上映日期“一波三折”，近日终正式上映，5日票房累积约3百万，鉴于戏院“限座令”生效，成绩不错，团队决定展开1连7日谢票行动。城城昨晚现身铜锣湾包场活动，透露近日忙于拍摄新片《断网》，对票房成绩未有多加留意：“应该系口碑传咗开去，希望嚟紧假期大家多啲入场，其实疫情下我都唔知点样嘅成绩，先至叫做好。”城城全程戴着口罩，但因为要拍照所以才除下口罩，问到回家担不担心，他说因为很爱电影所以今天才来宣传。

城城直言只想演“感动人的电影”：“呢个剧本系我入行多年以来，最喜欢嘅头3位。今日有个小插曲，有个水喉师傅上嚟我屋企修理，佢话佢睇呢套戏感动到忍唔住喊。我太太睇戏都精挑细选，佢介绍畀身边嘅朋友睇完，对方即刻要求包场，再请朋友睇。（你又包场？）工作忙兼顾唔到，不过公司有做。”谈到女儿复课，城城表示：“其实佢已经返咗一日学，疫情之下只可以每个星期上一日实体课。作为家长，我觉得返学校上堂好啲嘅，希望疫情快啲受控啦。”​