林淑敏认老公知约许家杰出街：我哋感情真系好

etin

“大小姐”林淑敏与“送水辉”许家杰于处境剧《爱·回家之开心速递》内情侣形象深受观众欢迎，而戏外两人也感情要好，近日一而再被拍到约会，日前还孖住为同剧的郑世豪庆祝生日，许家杰更陪住林淑敏睇衫，全程连体婴般。

昨日三人同为《爱》剧开工，对于被指以情侣姿态为郑世豪庆生，林淑敏表示禁聚令影响下，所有社交活动也有变化：“唔可以再一大班人，变咗4个以内，我哋成班感情真系好好，嗰日买衫系因为第二日出席活动着，个客要求紫色衫，所以食饭前好急咁兜咗个圈。（老公知唔知你哋‘约会’？”佢知我哋食饭，同埋寻晚一齐睇个报道，仲话点解我同佢出去又冇畀人影。”

​

许家杰表示生日饭本身有“细龙太”陈伟琪，后来因对方有工作而甩底，更说：“依家3个人食饭，变咗2对1，其实我哋系有份情，不过系亲情嗰只。（使唔使同女友交代？）感情事我就唔讲太多喇！”

而被指为林淑敏及许家杰作掩护的郑世豪就笑说：“我系‘衬’住佢哋帮我搞生日，真系好开心，好多谢佢哋。”