倪晨曦跳楼梯舞仆亲 原来当时已经有咗！

etin

现时怀孕八个月嘅艺人倪晨曦就嚟生得，呢日佢拍片讲自己怀孕点滴，原来系咁惊险万分！唔知大家仲记唔记得之前佢喺加拿大着白袜仔跳楼梯舞跳到仆亲？原来嗰阵倪晨曦已经有咗BB，佢谂起番都一额汗：“如果知道我真系吓亲，跌完之后我仲狂笑，笑完之后冇人理我，所有人喺厨房，大家做紧自己嘢，我妈仲问我：‘你跌亲呀？’，如果嗰阵我有咩意外我会好自责。”

之后佢由加拿大返嚟香港就进行家居隔离，当时怀疑自己有咗，要拜托未婚夫帮手买验孕捧，最后虽然见到出嚟结果系99.9%，但佢都等家居隔离完睇医生确定，先公告天下：“因为我系网上睇到宫外孕都会Check到系有咗，所以当我去睇医生时，已经系第九周。”