高科技虚拟扮靓 可宜教你爱靓又爱命

etin

Viu TV中英混血艺人儿可宜与形象指导张学润（Nel Nel）主持扮靓节目，节目充满创意，以虚拟实境设定不同背景，教大家点样扮靓得嚟又可以好健康。当可宜得悉有机会与Nel Nel合作时，未谈酬劳已经一口答应，因为可以学到好多嘢，不过竟然“投诉”Nel Nel：“有次开完工已经好夜，过咗晚上11点，即系搭正农历七月十四，点知佢竟然话有嘢做赶时间，唔陪我攞车，结果我拎咗好多嘢，夜麻麻再加上好大风，真系好惊！”

原来Nel Nel为咗呢个节目构思咗一段时间：“成日大家都话爱靓唔爱命，所以好想做一个节目系爱靓又爱命，希望可以带啲健康知讯畀大家。（点解搵可宜做拍档？）我同佢之前系有线同事，近排我哋又成日合作，大家都好有默契，佢都系一个好锺意扮靓嘅人。”而Nel Nel话除咗教大家正确步姿同坐姿，等大家有健康体魄之馀，亦会加入护肤命理，两者合一教大家扮靓。​