【低调做全民检测】郭富城开腔护妻：系一种伤害

etin

由郭富城（城城）主唱的电影《麦路人》主题曲《灰色星尘》的最新MV昨日首播，城城联同杨千嬅、张达明、顾定轩及导演黄庆勋现身首播仪式。城城大赞歌曲填词人小美是当今首席女填词人，他称电影拍毕两年，原本已抽离角色，但看到歌词时又勾起很多回忆：“喺录音室睇住歌词眼泪停唔到，哽咽到唱唔到！”他又指在戏中要烟不离手，他为投入角色，拍摄期间无论戏里戏外抽烟也抽得很凶，更因吸烟太多而咳过不停：“我都担心有病，拍完去咗睇胸肺科医生，医生同我讲个肺仲系好靓，嗰一刻我成个人轻松晒，即刻抽离咗个角色。”

身旁的千嬅也大赞城城拍摄期间非常投入，并爆料说：“试过有日放饭，谂住叫佢食嘢，佢用角色把声同我讲‘我唔食，我个角色唔可以肥’吓到我即时讲对唔住，好惊扯番佢个角色出嚟，我放低碟肠粉同碗猪骨粥就走咗。仲有一次凌晨三、四点喺庙街拍外景，有个饮咗酒嘅人望住我，城城又角色上身拉我走，佢仲会长期孭住戏中个背囊，我仲谂个助手咁大胆唔帮佢拎。”城城笑言背囊只是放了两卷厕纸。另外，讲到疫情，城城坦言作为电影工作者，见到戏院停开感到心噏，他又自爆早前已完成普及社区检测计划（全民检测），结果呈阴性，并呼吁大家去做检查，及早找出隐形带菌者。

对于早前有报道指其太太方媛曾加入天王嫂训练营，他开腔力撑太太：“呢啲系不实报道，网上太自由，散播谣言嘅人唔需要负责任，但当事人好难受，而我嘅太太唔系呢行，佢只系半个幕前人，呢啲报道对佢嚟讲系一种伤害，而我作为佢嘅丈夫当然会撑佢，希望呢啲不负责任嘅人收手。”​