唔介意女友过去！马贯东否认同居：帮佢抹窗咋

etin

艺人马贯东、谢东闵、余思霆及黄嘉雯昨日现身电视城，出席明珠台《直觉追凶》第二季记者会，众人配合宣传角色扮演及大玩游戏，场面热闹。

马贯东现任女友被爆曾与余思霆男友朱敏瀚拍拖，马贯东与余思霆齐齐现身，难免被追访，二人被要求合照时起初企得很开，表情腼覥，不过受访时余思霆表示早已于游戏节目内互相认识。

谈到公开恋情及被传同居，马贯东坦言想低调处理感情事，又透露只拍拖数月，女友不是圈中人，新闻影响心情自是可以理解，亦觉得女友不需要承受这些压力，他亦有抽时间与女友做“心理辅导”：“都系想简单感情生活，拍拖系两个人嘅事，唔想太多报道，唔好意思。（搬新居？）唔关事呀。（知道女友过去嘅感情生活？ ）过去就过咗去，唔会介意亦唔会太介怀，以前嘅事再执着都冇意思，最紧要依家！”

问到马贯东是否已笑朝着结婚为目标，他大方答：“如果可以，系会想嘅。（有结婚计划？）结婚要有事业基础先，冇可能话结就结，搏杀多一阵先啦。（即系几耐？）好睇我嚟紧进步有几快，有啲嘢我控制唔到。（依家33岁，系咪40岁前？）希望唔使40岁啦，想快啲做到自己期望嘅成绩，起码置到业，有安乐窝先。（布置间屋唔系买咗楼咩？）咁容易置业咩？梗系唔系搬新屋啦！帮佢抹窗咋。”

余思霆亦表示知道朱敏瀚过去。问到与马贯东见面会否尴尬，马贯东即“抢答”为对方解围：“成熟人嚟㗎，工作还工作。”余思霆接口：“都过咗去啦，依家大家都好幸福咪好啰。”​