星妈KOL月入六位数吸金力强 叶翠翠最受妈妈级欢迎

etin

前DJ苏耀宗（细so）背妻偷食人妻网红练美施（Macy）遭受全城怒骂，今期hit爆嘅女主角Macy唔单止系人妻，仲系一仔一女之母，外表年轻、身材弗爆嘅佢经营网店卖婴儿用品，不时亲自以生招牌作宣传。有网民指佢当女儿做摇钱树，上载仅以士多啤梨贴纸遮掩重要部位嘅出浴照宣传沐浴露品牌，月赚14万轻松吸金。

叶翠翠：27万粉丝

其实唔少艺人升呢为人母后，都转型做KOL行亲子路线，好似人气最高嘅星妈叶翠翠，为三子之母，2017年离巢专心相夫教子，初时纯粹于网上分享美容及养生之道，直到诞下第二胎后，产后火速收身秘诀，成功吸引大批妈妈粉丝Follow，依家频频开Live宣传代言产品，吸金力超强！

陈琪：10万粉丝　

胡诺言老婆陈琪离开无綫后就展开KOL生涯，三子女之母嘅佢照顾屋企非常周到，经常开Live同妈咪级粉丝分享美容、生活用品、健康产品等，广告代言月赚六位数字，好过做演员嘅时候！

陈倩扬：8.2万粉丝

育有两子一女嘅陈倩扬，诞下细女后身形一度爆胀至160磅，其后积极减肥推广自创减糖饮食餐单，讲明唔靠节食、唔运动都可以瘦身，经常以过来人身份分享心得，依家社交网粉丝人数达8万几人Follow。

麦雅致：7.7万粉丝

同老公张頴康共用拥有同社交网帐号嘅麦雅致，经常分享仔女嘅生活日常，早年全职转型做KOL嘅佢经常开Live介绍美容及生活用品，而活泼可爱嘅囡囡小豆豆不时乱入抢Fo，表演唱歌或讲故事，成功吸引大批支持者，而囝囝小花生亦会帮手示范产品，从小已训练做KOL！

刘小慧：5.7万粉丝

早年已淡出幕前嘅刘小慧，去年以“蛋黄油”秘方医治湿疹，成功红爆KOL界，每次开Live话题更多元化，上至养生、饮食，下至请工人姐姐都有分享，有时仲搵埋囡囡一同试用护肤品，母女档拍住上。