今晚港姐决战，陈桢怡与郭柏妍争后冠决一死战

etin

陈桢怡及郭柏妍胜在身形匀称，状态大勇，而混血佳丽谢嘉怡成功减走6公斤，虽然依然有点Baby Fat，但胜在样子甜美，3人被推为 “三甲之选”。

当中郭柏妍成为一众佳丽的“假想敌”，更要应付陈煦凝、廖慧仪及黄婉恩等“胸军”，对于获陈桢怡、邝美璇及谢恩灵睇好有机会夺后 冠，郭柏妍说：“多谢！我对自己都有信心，尽力而为啦！（谂定致谢 词？）咁又冇，不过攞奖与否都有好多人需要多谢，例如屋企人同网 民。（咁你睇好边位佳丽？）个个都系潜力股，参赛最紧要自我挑战，同 埋突破自己框框啫！

谢嘉怡度定谢词

陈桢怡当初被称为“女版金宇彬”，如今蜕变成女神，她坦言背后付出不少代价：“参选后冇时间滑水，依家每日睇片做45分钟运 动，饮自制嘅蔬菜汁，能够保持到身段好开心。（好多人睇好 你！）多谢大家支持，不过我口才唔系好好，要睇临场反应。”

同是大热人选的谢嘉怡指参赛最紧要享受过程，问到是否 已想好得奖感言？她直言：“有准备，因为我广东话唔叻，要 谂定啲嘢讲，冇理由到时冇反应。”现场有记者发现她寒 背，她即自爆：“细个撞过车，虽然唔系好严重，但拉伤咗肌肉，依家企直太耐会好唔舒服，决赛时会尽量注意。”

​

黄婉恩谷出“大细胸”

至于黄婉恩谷胸上阵，不过惊现“大细胸”，她表示：“冇咁嘅事，可 能系件泳衣影响视觉啫，下次出场前会检查清楚先。”而廖慧仪的忠粉传在社 交网留言攻击别人，她说：“我冇听过喎！反而听过有其他人嘅忠粉攻击我，不过我 冇追究，大家应该互相尊重。我哋坐埋同一条船，系Teamwork，应该齐心做好表演 畀大家睇。”身上的纹身一直被形容为“致命伤”，但她依然企硬，坦言没计划彻底 洗走：“都未知入唔入到行，我又唔系成日着三 点式，迟啲睇工作先再算。（大会要求你遮纹 身？）我都觉得有需要，所有佳丽应该一式 一样、乾乾净净，唔只纹身，我哋练才艺表 演有瘀伤都要遮，等观众睇得舒服啲。”