【硬碰赖慰玲】傅嘉莉夹喺中间靠喊突围

etin

2015年才正式加入无綫的傅嘉莉（Kelly），演龄尚浅，但参演不少话题剧集，如《冲上云霄II》和《张保仔》等，都有不俗的发挥。极爱演戏的她，为了改进演技，先后跟不同演戏老师学戏，最近她在无綫热播剧《反黑路人甲》中饰演社团二小姐，与好戏之人赖慰玲，和亮眼新人林宣妤做三姊妹，角色设定上，家姐和细妹性格鲜明，一个硬朗、一个柔弱，而她夹在中间，为了能突出角色，Kelly坦言拍摄时很有压力，不过见反应不俗，她亦给自己合格，其中她在剧中的喊戏，更备受赞赏。

Kelly说：“剧中好多感情起伏嘅戏份，第一集社团头目、即系演我爸爸同哥哥身亡，嗰场喊戏，都要谂应该点喊，剧中我从事金融，思想精密又好理性，但未见过大场面，变咗面对呢啲场面个情绪会好失控，好彩做我爸爸嘅前辈于洋哥好专业，即使系Take我大头，佢都继续瞓喺度扮死畀戏我，等我更容易喊，嗰刻我放咗好多真感情落去。我人大咗，屋企事都经历好多，好似家人病痛所产生嘅情绪，涌晒出嚟，工作人员都话我喊得好真，系激动情绪嘅递进。”

不过，Kelly自爆有一场戏觉得美中不足，她说：“后来有一场戏话我崩溃咁喊，但有句对白因为我喊得太入戏，讲得唔清楚，要配音补上，觉得有啲可惜，呢个系我要学习嘅技巧，更要学识放低个人形象包袱，将角色嘅原本个性呈现出嚟，今次我终于做到！”​