被老公出卖！胡杏儿Hea爆居家素颜Look曝光

etin

艺人胡杏儿一向以靓靓一面示人，就算生咗两个身形都仍然Fit爆，不过在七夕情人节，佢就畀老公李乘德“出卖”，令到“真身”曝光，见杏儿戴上黑框眼镜，但都掩盖唔到大大嘅黑眼圈，可能环境灯光较暗，令杏儿面色看起来皮肤偏黄，未知系咪李乘德唔识用美图App所以令杏儿Hea爆居家Look曝光呢？虽然系咁，但相中两人捧着菠萝包同手握麦精维他奶，留言话系佢哋嘅宵夜，贴地之馀亦都非常浪漫，网友都大赞好有夫妻相，杏儿之后都喺自己社交网上载一家四口幸福合照，虽然都系素颜，但就冇老公上载嗰张咁“惊吓”，不过就冇一位网友弹杏儿，个个都大赞系cute family。​