Aka被整蛊要闻裤 黎诺懿做到手掌生鸡眼

etin

政府呼吁年轻人搵工不要太拣择，称洗碗都是工作经验，不少艺人做过暑期工，组合Super Girls队长Aka曾教小朋友跳芭蕾舞及画画，最难忘为一个小学四年级学生补习，她笑说：“佢成日整蛊我，我去洗手间，佢用香口胶封住度门，又呃我跌咗笔喺梳化后面，我搬完先知假嘅。最搞笑有次叫我闻佢条裤，话好香，原来佢袋住条肠仔，好搞笑！”

歌手施匡翘则做过天然护肤品售货员，接触到不同国家的顾客，学到不少课本以外的知识，但她笑言将人工都“贡献”给公司产品，她说：“最开心系啲客人真系会记得我、锺意我，就算唔系买嘢都会专登经过间铺同我Say Hi，又会买蛋糕请我食，都好感动﹗”

曾经在超巿做过执货的黎诺懿说：“有人买走啲嘢，我哋就补货上架，然后又要拖地、抹嘢啦！最深刻系执鸡蛋，因为一排排咁送嚟，开箱时好多烂咗会有虫，所以我哋成班男仔执货锺意执卫生巾，乾净好多，有时执罐头，因为好多破损会有虫，执得多只手都生晒鸡眼，不过嗰时读书冇谂咁多，赚钱畀家用，又够自己使，同埋大家斗执得快系开心嘅！”

艺人莫家淦以前做过Data entry，将资料入番落电脑，当时他是计时薪，本身book他做一个月，但他未够一个月已经搞掂晒，本以为做得快有着数，点知他被扣了几日人工，他才知快手反而系搵笨。但他说：“打得快都有好处，嗰阵后生夜瞓，每日快手打完就有时间休息，可以匿入厕所瞓觉。”

前港姐古佩玲之前在加拿大做暑期工试过帮大学Fashion社团做市场调查，她说：“要帮手写时装流行趋势，又要同好多品牌举办Show，见识真系多咗好多，对读紧书嘅学生嚟讲，有咁嘅机会系好难得。”​