玩立划板 冯盈盈被寸上游艇会公子

etin

艺人冯盈盈带队出海，为节目《#后生仔倾吓偈》拍外景，更首次玩立划板（Stand up paddle）、独木舟同香蕉板，玩时盈盈当然依哗鬼叫。谈及出海，大家一定会谂起盈盈同江嘉敏、何猷亨上游艇出海一事，事件仲搞到盈盈同江嘉敏有好多不和传闻添，所以今次连拍档陆浩明都揶揄盈盈：“你仲敢出海呀？”向来大无畏的盈盈就话：“有咩问题呀？出海系一个好健康嘅运动，今次同班亲爱嘅同事去，我哋有好深厚嘅感情。”之后，盈盈又话自己都有同过陆浩明出海，但陆浩明继续玩佢：“系咩？你唔好认错人喎！我唔系咩公子喎！”盈盈即谓：“陆公子点呀……”呢啲咪好同事啰！​